超市亂買篇

瑞典出街食飯真是貴得要命。lunch閒閒地一餐也要8XSEK (幾一百元)，晚餐約要豪食，分分鐘要百幾二百。所以瑞典人都愛到超市購買食物再回家自己煮。雖然小弟公司食飯可以claim錢，但慳妹性格加上試食之慾望令我一心想買盡超市入面所有不用煮的野食(突然好想有廚房)。在瑞典食野真是幸福，由於天氣太凍就算點食熱氣野都不會爆瘡!好正!

好!先來round 1 (其實我真係冇咁多肚....我估我最後都係食得十樣八樣) (*以下報告sorry只有食物的種類, sorry 在瑞典生活真的要學下瑞典文，成間超市一隻英文字都冇.....)

火腿 16.90 SEK. 記~住~唔~好~買!!平野!!死鹹!

好食芝士醬 SEK 8.98. 真係好好味, 芝士夠香又夠滑仲有淡淡的香草味

麥餅 SEK 9.98 都幾香同好脆, 送芝士一流, 齋食則太乾

先食住三樣, 下回再分解。

沒有k的第一天

我又再一次踏上征途。是日的我不是去遊學，不是去流浪，而是走去工幹。

話說小弟浮沉IT界hea做多年，正在迷途之際突然俾我搵到份筍工(到底有幾筍?返朝九晚五點半五天工作天唔髮OT夠好未?)。而呢份工最正既地方就係可以出trip!!

今次要遠征瑞典。主要係做training ( 係呀，因為香港冇人舞得我掂)。仲要出足一個月。公司真待我不薄。而且還要坐最正的finnair (其他有luthansa 呀 BA那些都要飛十六七個鐘，而finnair 就飛十三個小時左右，在芬蘭轉機)。

今次又要有勞k送機。bye bye Hong Kong!

經過十幾小時後，亞媽我終於到啦!!

落機當天天氣很好，看著瑞典的日出，心情異常興奮。

到酒店check-in 後便到處走走。由於是週六，街頭異常的多人。一條友又很難找位子(瑞典人都很自律地排隊等位，但由於間間食店都多人都嘔而我又懶得排隊，最後在Saluhall market 附近的熱狗店食個快lunch就算)。

在百物騰貴的瑞典，此熱狗盛惠九十大元。

其實瑞典市中心不是很大。由酒店到海邊就只需十分鐘(下圖紅線)，就好似就太子行去旺角咁上下。不過既然買左月票(30日票 790SEK)而條街又咁凍，可以坐車我都會坐的。注意就是瑞典的地鐵站是不會收錢的，要買票就要到newsagent 或7仔買票及增值 (可到周圍都有的pressbyran，而我所住的Ostermalm區就異常多七仔)

另外就是瑞典的pre-paid 電話卡 (不是人人用得著)，要幫襯Tele2的amigo plan (又是一般newsagent 都買得到)用 $200以上的plan mobile internet 就係任用的了。真係抵到嘔。

瑞典好正的地方就是，咩都冇英文家!!!!如果唔問人所有野都係靠估。不過當地好多人都應英文，你一話自己唔識瑞典文，佢地會即刻轉channel就返你，so good。另外唔好以為瑞典係一個和平國家，其實同其他歐洲地方一樣，瑞典人都會醉酒講搞事，夜晚在樓梯小便，周地吐痰，紅燈過馬路等等。不過街上面就少些賊眉賊眼的人，而且見到你係中國人都唔會好似英國人咁0係你前面講d扮中文既英文咁。